Hæhæ allir

Sigurvin frá Neskirkju kom í heimsókn til okkar síðastliðinn þriðjudag. Hann sér um barnastarfið í kirkjunni. Sigurvin kemur annan hvern þriðjudag kl. 9:00 til okkar í vetur. Hann byrjar á Bóli og kemur svo upp á Bakka. Hann segir börnunum sögur og við syngjum saman lög úr sunnudagaskólanum.

Bakki:
Á bakka erum við að spá og spekulera í veðrinu en það er nýja þemað hjá okkur. Við erum byrjaðar að hlusta á börnin hvað þau eru að spá í sambandi við veðrið og vinnum út frá því. Þetta veðurverkefni er sameiginlegt verkefni sem við tökum þátt í, í samvinnu við fleiri leikskóla sem vinna í anda Reggio Emilie.
   
Ból:
Á bóli eru yngstu krílin okkar í könnunarleiknum og svo eru þau að læra að leika saman og vera saman í hóp.
Elstu börnin á Bóli fara einu sinni í viku upp á Bakka í einingakubbana og vinna ýmis verkefni í hópastarfi. Þau eru einnig farin að spá aðeins í veðrið og ætla að taka þátt í veðurverkefninu. 
 
Meistararnir:
Meistararnir eru búnir að vera að leika sér með stafina. Einnig höfum við verið að æfa okkur í að klappa atkvæði, ríma og lært nokkrar þulur.

ps. fullt af nýjum myndum í myndaalbúminu og matseðillinn fyrir okt. er loksins kominn

kv Bakki og Ból