|
Leikskólinn Skerjagarður Einkarekinn Leikskóli fullur af lífi og fjöri. |
|
Blogg26.8.2009ÓtitlaðHæhæ Heilsuskokkið var í gær og tóku börnin á Bakka bara þátt að þessu sinni. Krakkarnir voru mjög dugleg að hlaupa og síðan fengu allir ávexti á eftir.    Bakki - Yngri börnin á Bakka eru enn að vinna með vináttuna. Eldri börnin eru enn að skoða skordýr og vinna með þau. Tvisvar í viku höfum við tjáningu á Bakka með yngri börnunum. Þá standa þau upp fyrir framan hin börnin og segja frá einhverju skemmtilegu.   Ból - Hópastarf á Bóli byrjar í næstu viku. Litlu krílin eru að æfa sig að vera á leikskóla og gengur það mjög vel. Annars hafa þau verið dugleg að vera úti að leika og elstu börnin farið í gönguferðir um hverfið.   Hreyfing Eins og fram kom í fréttabréfinu þá verður engin tónlist í vetur. Í staðin fyrir hana ætlum við að hafa skipulagða hreyfingu. Jurate sér um hreyfinguna með yngri börnunum á Bakka og Tinna sér um hreyfinguna fyrir eldri börnin á Bóli og fer hvert barn einu sinni í viku í hreyfingu. Vinafundir - Einu sinni í mánuði ætlum við að hafa svokallaða Vinafundi. Þá hittast börnin á Bóli og Bakka og syngja saman. Önnur deildin sér um þessa stund hverju sinni og ákveður hvaða lög verða sungin og svo sýna börnin á þeirri deild eitt atriði fyrir hin börnin. Við hittumst á þeirri deild sem sér um vinastundina hverju sinni. Bakki ætlar að byrja að sjá um þessa stund og koma þá börnin á Bóli upp á Bakka. Við ætlum að hafa þessa stund alltaf fyrsta föstudag í mánuði kl. 9:00. Þar sem leikskólinn verður lokaður föstudaginn 4. september ætlum við að byrja fimmtudaginn 3. september. Munið skipulagsdaginn föstudaginn 4. sept. Þá er leikskólinn lokaður. kv Bakki og Ból 19.8.2009Skipulagsdagur 4. sept og fleiraHæhæ Við viljum byrja á að minna ykkur á að föstudaginn 4. september verður skipulagsdagur hjá starfsfólki og er þá leikskólinn lokaður. Bakki: Skólahópurinn á bakka er á fullu að skoða skordýrin. Þau fengu til að mynda geitungabú til að skoða og var það mjög spennandi. Þau hafa verið að setja upp skordýargildrur og veitt allskyns skordýr í þær. Yngri börnin eru að spjalla um vináttuna. Við byrjum á að stimpla hendurnar okkar á blað og ætlum við að búa til vinakeðju úr öllum höndunum. Í gær fóru yngstu börnin á Bakka í hópastarf og fundu nafn á hópinn sinn og heitir hann KISUHÓPUR (Tómas Magni, Salka Dögg , Anna María og Áslaug). Ból: Aðlaganir á Bóli eru að taka enda og hafa þær gengið mjög vel. Skipulagt starf á Bóli byrjar svo í september. Elstu börnin á Bóli hafa verið að fara í gönguferðir um nánasta umhverfi að tína lauf og fleira.    Á morgunn fimmtudag er útidótadagur og mega börnin þá koma með eitt útidót með sér í leikskólann. Munið að merkja dótið vel !!! Við erum búin að setja á heimasíðuna skóladgatal fyrir skólaárið 2009-2010. Þar getið þið fylgst með því sem er að gerast hjá okkur á þessu skólaári. Þar eru til að mynda allir skipulags- og námskeiðsdagar komnir inn. Einnig er fréttabréf ágústmánaðar komið inn á heimasíðuna. Þið farið inn í Skrár og þar ýtið þið á fréttabréf. Við erum einnig búin að setja eitt eintak í hólfin hjá börnunum og senda tölvupóst með fréttabréfinu. Það eru komnar fullt af nýjum myndum í myndaalbúmið kv Bakki og Ból 10.8.2009ÓtitlaðHæhæ Vonandi hafa allir haft það gott í sumarfríinu í þessu frábæra veðri sem við fengum Nú er allt komið á fullt skrið hjá okkur. Aðlaganir nýrra barna á Bóli ganga mjög vel og viljum við bjóða ný börn og foreldra þeirra velkomin í hópinn. Nestisdagurinn sem var á þriðjudaginn gekk mjög vel. Við fórum út fyrir leikskólalóðina og drukkum nesti en fengum ekki alveg að njóta okkar þar sem geitungar voru á sveimi allt í kringum okkur og gerði okkur lífið leitt  Skólahópurinn okkar er búinn að fara í skólahóp og fundu þau nafn á hópinn og heita þau SNILLINGARNIR  Annað starf byrjar hægt og rólega hjá okkur, en elstu börnin fengu mikinn áhuga á öllum skordýrunum í kringum okkur og eru farin að skoða þau nánar. Þau eru til að mynda búin að búa til skordýragildru og fleira skemmtilegt. Yngri hóparnir ætla að byrja á vináttunni en hún skiptir miklu máli hjá þeim. Þau allra yngstu ætla að byrja að aðlagast leikskólanum og er það heilmikið nám hjá þeim Það eru komnar nýjar myndir á heimasíðuna og einnig matseðill fyrir ágúst mánuð. Bestu kveðjur Bakki og Ból Flettingar í dag: 202 Gestir í dag: 45 Flettingar í gær: 218 Gestir í gær: 51 Samtals flettingar: 240676 Samtals gestir: 52100 Tölur uppfærðar: 4.9.2010 21:40:09 |
Vafraðu umEldra efni Um mig Nafn: Leikskólinn SkerjagarðurFarsími: 8221919Tölvupóstfang: skerjagardur(at)skerjagardur.isHeimilisfang: Bauganes 13Staðsetning: SkerjafjörðurHeimasími: 5518088Um: Einkarekinn leikskóli fullur af lífi og fjöri . Ánægt starfsfólk,glöð börn og ánægðir foreldrar er okkar metnaður.Tenglar |