Hæhæ

Ból:

Krakkarnir í fiskahóp eru búin að vera að teikna tröllamyndir og læra margt um tröllin. Þau eru einnig búin að fara í göngu að leita að tröllasteinum.
 
Yngri börnin eru í myndsköpum og könnunarleik. Einnig hafa þau verið að fara í gönguferðir um hverfið og eru börnin mjög dugleg að labba.
 

Hreyfing: Við tengjum hreyfinguna líka tröllaþemanu og förum í allskonar tröllaleiki.
 

Bakki: TRÖLLAÞEMA

Eldri börnin  á Bakka hafa verið að vinna heilmikið með tröllin. Þau eru búin að búa til tröllafjall og skuggaleikhús (Búkollu) og margt fleira.
 

Yngri börnin: TRÖLLAÞEMA

Dýra- og hvolpahópur er að æfa leikritið um Búkollu og er búinn að búa til leikmynd sem tengist því. 
        

Kisuhópur er að æfa leikritið um Geiturnar þrjar og tröllið undir brúnni og útbúa leikmynd tengda því.
 

Yngri börnin fóru einnig í gönguferð í leit að tröllasteinum. Þau fundu fullt af tröllasteinum :)
 

Á föstudaginn verður vinastund á Bóli kl. 9:00. Þá koma krakkarnir á Bakka í heimsókn á Ból og við syngjum saman nokkur lög sem við höfum verið að æfa

Á miðvikudaginn í næstu viku er Öskudagur og mega börnin þá koma í furðufötum eða náttfötum í leikskólann. Við minnum á að ekki er æskilegt að koma með vopn sem fylgja ýmsum búningum í leikskólann. Mjög gott er líka að merkja aukahluti sem börnin koma með :-)

Við minnum á að leikskólinn verður lokaður föstudaginn 26. febrúar vegna námskeiðsdags starfsfólks.


kv Bakki og Ból