Leikskólinn Skerjagarður

21.10.2008 10:25

Hæhæ allir

Nú er orðið kalt í veðri og er þá nauðsynlegt að börnin séu vel búin með góðan kuldafatnað þ.e. kuldagalla, hlýja peysu, kuldaskó, hlýja vettlinga og húfu.
Það skiptir svo miklu máli að börnin séu vel búin til að vera úti að leika og líði vel á meðan þau eru úti. Það er erfitt að leika sér ef manni er kalt.

Í síðustu viku var náttfatadagur hjá okkur og mættu börnin í náttfötunum sínum og höfðum við það kósí þennan dag og höfðum náttfataball og fórum við í ýmsa skemmtilega leiki.

Við minnum svo á að á mánudaginn 27. október er Alþjóðlegur bangsadagur og mega börnin þá koma með bangsa með sér í leikskólann.

Bakki
Á Bakka erum við enn að vinna með veðrið. Börnin hafa verið að skoða hvernig veðurspáin er fyrir hvern dag fyrir sig og unnið með veðrið á ýmsan hátt. Þau hafa verið að leira í tengslum við veðrið, málað og fleira.

Hlynur bangsi
Nú er Hlynur farinn að fara heim með eldri börnunum á Bakka. Við ákváðum að breyta aðeins fyrirkomulaginu með hann. Nú fer hann alltaf heim með einhverju barni á föstudögum og kemur aftur í leikskólann á mánudegi. Þannig að nú fá öll börnin að fara með hann heim yfir helgi. Svo hvílir hann sig þess á milli í leikskólanum. Börnin eru mjög spennt að fara með hann heim og það er gaman að sjá hvað allir eru duglegir að skrifa í bókina hans Hlyns hvað gert var. Börnunum finnst svo gaman að sýna hinum börnunum hvað þau gerðu saman emoticon

Ból
Allt gengur sinn vanagang á Bóli.

Það eru komnar fullt að nýjum myndum í myndaalbúmið

kv Bakki og Ból

Tengill á færslu

Bæta við athugasemd

Sýna athugasemdir

21.10.2008 10:25

Vafraðu um

Tenglar