13.01.2009 09:41

Nýtt þema og fleira

Hæhæ

Hún Ananda er hætt hjá okkur emoticon

. Hún er að fara til Chile í heimsókn og óskum við henni góðrar ferðar og velfarnaðar emoticon

.

Nú erum við að fara af stað með nýtt þema á báðum deildum.

-Eldri hóparnir á Bakka ætla að taka fyrir umferðina. Við ætlum að fara vítt og breytt í að fjalla um umferðina og sjá hvað börnin vilja skoða nánar.
-Á fimmtudaginn 15. janúar förum við í vettvangsferð í VÍS en þar verður tekið á móti okkur og fjallað um ýmislegt sem tengist umferð og umferðaröryggi.
-Við erum að læra nýtt lag sem tengist umferðinni og er það svona:

Rauði karlinn (lag. Gamli nói)

Rauði karlinn, rauði karlinn
kallar til þín hér.
Hann biður þig að bíða
best er því að hlýða.
Stans hann segir,
stans hann segir.
Stans og gættu að þér.

Græna karlinn, græna karlinn
krakkar þekkja flest.
Göngumerkið gefur
gát á öllu hefur.
Yfir götu öll við göngum
glöð í einni lest.

ATH! Ef þið lumið á einhverju skemmtilegu heima sem tengist umferðinni á einn eða annan hátt þá megið þið endilega senda börnin með það í leikskólann t.d. bækur, myndir, hlutir eða hvað sem er.

-Yngri hóparnir á Bakka og elstu börnin á Bóli ætla að taka fyrir,,Ég sjálf(ur) og nánasta umhverfið mitt,,.

-Yngri börnin á Bóli taka fyrir grunnlitina (gulur, rauður og blár)og vinna með þá. Í lok hvers litar verður haldið litaball emoticon

-Meistararnir fara í heimsókn í Melaskóla mánudaginn 26. janúar kl. 13:30. Heimsóknin hefst á skólasafninu þar sem börnin fá fræðslu um skólann og hlusta á sögu. Í lokin er svo Selið skoðað.

Tónlistin með Berglindi tónlistarkennara byrjar svo aftur hjá okkur í þessari viku, Ból á fimmtudaginn og Bakki á föstudaginn. Á stundaskránni stóð að hún ætti að byrja í síðustu viku en það breyttist.

Við viljum síðan minna á vasaljósadaginn sem verður næstkomandi fimmtudag. Þá mega börnin koma með vasaljós í leikskólann. Við ætlum að fara snemma út þennan dag og leika okkur með vasaljósið í myrkrinu.

Það eru komnar nýjar myndir í myndaalbúmið.

Kv Bakki og Ból

Tengill á færslu

Bæta við athugasemd

Sýna athugasemdir

13.01.2009 09:41

Nýtt þema og fleira

Vafraðu um

Tenglar