02.02.2009 10:27

Ótitlað

Hæhæ

Í síðustu viku var strákadagur og heppnaðist hann mjög vel. Strákarnir mættu fínir og flottir í leikskólann og var ýmislegt gert í tilefni dagsins. Elstu strákarnir á Bakka (2003 og 2004) fóru í strákaferð á bókasafnið og hlustuðu þar á sögu sem heitir Rauða eplið. Þeir vöktu auðvitað athygli því þeir voru allir svo fínir í skyrtu með bindi og sumir í jakkafötum. Fengu þeir síðan að leika á bókasafninu. Síðan var farið og keyptar kleinur og kókómjólk. Eftir hádegið fengu þeir svo að velja hvort þeir vildu vera inni að leika eða úti.
Yngri strákarnir og Bakka og strákarnir á Bóli fengu kaffihúsastemmingu í eldhúsinu og fengu allir snúða og mjólk.

Á föstudaginn var grímuball á Bakka. Börnin höfðu öll búið til grímur í leikskólanum og var ákveðið að slá upp balli þar sem allir voru með sínar grímur.

Miðvikudaginn næsta þ.e. 4.febrúar fara Meistararnir í heimsókn í Melaskóla. Þeir fara þar á bókasafnið, fá að kíkja inn í skólastofu og enda á því að fara í heimsókn í Selið. Farið verður kl. 13:30.

Í febrúar ætlum við að hafa Nestisdag (12.feb) þar sem börnin mega koma með nesti að heiman sem þau borða hér í leikskólanum. Einnig hafa börnin mikið verið að spyrja um dótadag og ætlum við að hafa dótadag 19.febrúar. Þá mega börnin koma með eitt dót að heiman (muna að merkja dótið).
25. janúar er svo öskudagur og mega þá allir koma í furðufötum. Þá sláum við ,,köttinn úr tunnunni,, og dönsum saman.

Þemastarf:
Umferðin- börnin hafa fengið eitt umferðamerki sem þau æfðu sig að teikna og síðan máluðu þau sitt umferðamerki og ætlum við að setja spítu á það þannig að þetta verður ,,alvöru,, umferðamerki. Þau hafa farið í gönguferð og skoðað umferðamerkin og leitað að sínu umferðamerki.

Ég sjálfur- Börnin hafa verið að skoða augun sín. Einnig hafa þau verið að teikna líkamann sinn þ.e. strikað eftir útlínum á stórt blað og eiga svo eftir að vinna meira með það.

Litirnir- börnin hafa verið að skoða rauða litinn. Þau hafa verið að mála með rauðum lit, skoðað ýmisa hluti í umhverfinu sem eru rauðir og fleira. Á föstudaginn næsta verður svo rautt ball á Bóli og væri gaman ef allir mættu í einhverju rauðu.

Það eru komnar nýjar myndir í myndaalbúmið og stundataflan fyrir febrúar er líka komin inn.

kv Bakki og Ból

Tengill á færslu

Bæta við athugasemd

Sýna athugasemdir

02.02.2009 10:27

Ótitlað

Vafraðu um

Tenglar