Leikskólinn Skerjagarður - Blogg

11.6.2010

Ótitlað

Hæhæ

Nú erum við mikið að fara í ferðir með eldri börnin á leikskólanum. Þau yngri fara mikið í gönguferðir um hverfið og oft er tekið nesti með og borðað úti þegar gott er veður.

Skólahópurinn okkar fór í hjólaferð út í Nauthólsvík en það er gert á hverju ári. Nú í ár ákváðum við að fara á hlaupahjólum og gekk það rosa vel. Í Nauthólsvíkinni léku börnin sér, fengu að vaða og svo voru grillaðar pylsur.

Í Nauthólsvík

Strákarnir í skólahópnum fóru í heimsókn heim til Sóldísar í síðustu viku. Þar léku þeir sér úti og bjuggu svo til pizzu :) Stelpurnar fara svo í næstu viku.

Í heimsókn hjá Sóldísi

Það var einnig óvissudagur hjá skólahópnum í síðustu viku. Farið var á túnið hjá fjörunni og þar fóru þau í leiki. Síðan var borðað nesti úti-jógúrt og ávexti.

Óvissuferð hjá skólahópnum

Börn sem fædd eru 2005 fóru í menningarferð í bæinn í síðustu viku. Þau fóru niður á tjörn og gáfu öndunum brauð, kíktu síðan inn í Ráðhúsið og enduðu svo í Hljómskálagarðinum og léku sér þar og fengu smá nesti :)

Bæjarferð

Þau börn sem byrja á Bakka eftir sumarfrí komu í heimsókn upp á Bakka á miðvikudaginn. Þar fóru allir í val og farið var yfir helstu reglur sem gilda :) Þetta gekk rosa vel og voru allir mjög duglegir. Hlakkar okkur mikið til að fá þessa flottu krakka upp á Bakka til okkar í ágúst:)

Gaman í vali á Bakka

Börnin á Bóli hafa farið mikið í gönguferðir um hverfið. Oft er tekið með nesti og borðað úti og er það voða gaman :)

Í fjörunni að borða nesti

Sumarhátíðin verður haldin miðvikudaginn 16.júní en þá mega börnin koma í furðufötum (búningum). Börnin hafa verið að búa til kórónur til að hafa þennan dag. Við förum í skrúðgöngu um hverfið, í hádeginu er svo heimabökuð pizza og ís á eftir.

Börnin búa til kórónur fyrir sumarhátíðina

Það eru komnar nýjar myndir í myndaalbúmið :)

kv Bakki og Ból

Skrifað 11.6.2010 kl. 6:50 af

Bein slóð á færslu

Engin álit, smelltu til að skrifa álit

Til baka

Fara á upphafssíðu

Blogg

11.6.2010

Ótitlað

Vafraðu um

Tenglar