Hæhæ

Viljum byrja að minna á sveitaferðin á föstudaginn 1. júní. Það er komið skráningarblað upp á töflu hjá Bakka og Bóli. Viljum við biðja ykkur um að skrá ykkur á listann þannig að hægt verði að panta rútu fyrir þann fjölda sem ætlar að fara  

Það eru komnar nýjar myndir í myndaalbúmið. Endilega kíkið á með börnunum ykkar, þau hafa mjög gaman af því að skoða myndir frá leikskólastarfinu og geta sagt ykkur frá því sem er að gerast á myndunum (allavega eldri börnin ).
Það er einnig komin ný stundaskrá fyrir júnímánuð.

Umferðaskólinn kom í leikskólann í síðustu viku. Þá var farið yfir umferðareglurnar með börnunum (börnum fædd 2001 og 2002). Farið var yfir almennar umferðarreglur, notkun reiðhjólahjálma, bílstóla í bílum og fleira. Í lokin fengu börnin að sjá umferðamynd með Felix Bergsyni, mjög skemmtilega. Börnin fengu svo poka með blaði í sem þau áttu að teikna umferðamynd á , límmiða með lögreglumerki og bækling sem foreldrar eiga að lesa. Það komu 3 lögreglumenn í heimsóknina og fóru tveir þeirra út í garð hjá okkur og heilsuðu upp á yngri börnin sem voru mjög spennt yfir því .

Yngri börnin á Bakka og börnin á Bóli eru að læra nýja rímvísu um líkamann.
Hún er svona:

Rímvísa um líkamann

Er þetta penni- nei þetta er enni
Er þetta kaka- nei þetta er haka
Er þetta Stebbi- nei þetta er nebbi
Er þetta Unnur- nei þetta er munnur
Er þetta tár- nei þetta er hár
Er þetta lunga- nei þetta er tunga
Er þetta skinn- nei þetta er kinn
Er þetta lönd- nei þetta er hönd
Er þetta slingur- nei þetta er fingur
Er þetta hagi- nei þetta er magi
Er þetta skæri- nei þetta er læri
Er þetta hálfur- nei þetta er kálfur
Er þetta tré- nei þetta er hné
Er þetta gil- nei þetta er il
Er þetta ká- nei þetta er tá
Er þetta skass- nei þetta er rass

(þessi vísa er líka inn í söngtextar-þulur hér á heimasíðunni).

Sumarkveðjur frá Bakka og Bóli