Hæhæ

Vorum að setja inn nýjar myndir frá nestisdeginum sem var í gær. Þá komu börnin með nesti að heiman og borðuðm við nestið úti. Yngstu börnin á Bóli fóru út að skógarróló, eldri börnin á Bóli og börnin á Bakka fóru út á aparóló. Veðrið lék við okkur og allir skemmtu sér vel.

Einnig settum við inn myndir frá útskriftarferðinni hjá skólahópnum okkar en þau fóru út í Viðey. Það var rosa gaman hjá þeim og þá sérstaklega að fá að fara í ,,hraðbátinn,,  Þau fóru á veitingastaðinn úti í Viðey og fengu þar að borða og síðan skoðuðu þau sig um léku sér úti í náttúrunni.Þetta var mjög vel heppnuð ferð.

kv frá Bakka og Bóli

Hæhæ

Það eru komnar nýjar myndir frá sumarhátíðinni sem var 15. júní og snúðaskokkinu sem var 19. júní.

Sumarhátíðin gekk í alla staði vel og voru allir ánæðir eftir daginn. Börnin komu í furðufötum og er það alltaf mikið stuð hjá þeim. Við fórum í skrúðgöngu um hverfið og sungum á leiðinni. Börnin höfðu búið sér til kórónur sem þau voru með og nokkur börn bjuggu til hljóðfæri sem þau spiluðu á í skrúðgöngunni. Þegar við komum aftur í leikskólann var settur upp hoppukastali sem allir fengu að prófa og spiluð var músik útí garði og dönsuðu börnin úti og léku sér. Síðan var pylsupartý í hádeginu hjá henni Mombi okkar.   

Í gær var svo hið feykivinsæla snúðaskokk haldið. Þá hlaupa börnin smá hring í hverfinu mis langan eftir aldri. Þegar þau koma svo í mark þá fá allir gómsæta súkkulaðisnúða namm namm.
   
Eldri börnin á Bóli fóru líka í fjöruferð í gær. Það var rosa gaman og ekki síst vegna þess að þau fundu krabba í fjörunni. Hann var rosa stór og flottur og tóku þau hann með  í leikskólann.
  

kv Bakki og Ból

Hæhæ

Vorum að setja inn nýjar myndir frá hjólaferðinni sem skólahópurinn fór í 12 júní. Ferðin heppnaðist mjög vel og skemmtu allir sér vel

kv frá Bakka

Hæhæ

Var að setja inn nýjar myndir í dag frá menningarferðinni sem börnin á Bakka fóru í í síðustu viku og útivera hjá börnunum á Bóli á föstudaginn.
Setti líka inn nýjar myndir á föstudaginn 8. júní.

        

kv frá Bakka og Bóli

Hæhæ

Jæja þá erum við loksins búin að setja inn myndir frá sveitaferðinni síðastliðinn föstudag. Hún tókst í alla staði vel og skemmtu allir sér vel börn sem og fullorðnir. Það er alltaf jafn gaman að sjá hvað margir foreldrar sjá sér fært að mæta með börnunum sínum í sveitaferðina á miðjum föstudegi .

Elstu tveir árgangarnir á Bakka fóru í menningarferð í bæinn. Þau fóru upp í Hallgrímskirkjuturn og skoðuðu yfir Reykjavík, í Alþingisgarðinn og borðuðu þar nesti og fleira skemmtilegt.  Við setjum inn nýjar myndir frá þessum ferðum seinna í dag eða strax eftir helgi.

Við minnum svo bara á að í næstu viku verður Hjóladagur hjá skólahópnum á þriðjudaginn. Látum ykkur betur vita með tíma á mánudaginn.
Einnig verður sumarhátið hjá okkur á föstudaginn 15. júní. Þá mega börnin koma í furðufötum í leikskólann. 

Annars er bara sumarfílingur í okkur hér á Skerjó og allir dagar nýttir vel til útiveru.

P.s. Það væri rosa gaman að fá að heyra meira frá ykkur hér á síðunni þ.e. að kvitta í gestabókina eða skrifa álit á bloggið  

Sumarkveðjur Bakki og Ból.