Hæhæ

Vorum að setja inn á heimasíðuna hér til hægri, inn í ,,Bakki,, og ,,Ból,,
hópaskiptingu í vetur, dagskipulag, stundaskrá vetrarins og stundaskrá mánaðarins.
Stundaskrá september mánaðar er ekki komin inn en kemur í byrjun næstu viku.
Það er kominn nýr matseðill fyrir september mánuð.

kv Bakki og Ból

Hæhæ

Nú eru eldri börnin á bóli (fædd 2004) og börnin á Bakka að vinna með könnunaraðferðina og ætlum við að nýta síðustu daga sumarsins til þess að finna og skoða skordýrin. 
Til þess að efla áhuga barnanna og dýpka vinnuna er börnunum þess vegna velkomið að koma með að heiman hvað eina sem tengist skordýrum og lána okkur  meðan á verkefninu stendur.

Þetta getur t.d. verið :      

• Ljósmyndir eða teikningar af skordýrum
• skordýrabangsar eða leikföng
• uppstoppuð skordýr
• bækur sem tengjast skordýrum og fleira sem ykkur dettur í hug.

 

-Við viljum líka minna á dótadaginn á morgunn föstudag. Þá mega börnin koma með eitt dót að heiman. Fyrir þau allra yngstu er mjög sniðugt að koma með bangsa eða eitthvað álíka.

Bestu kveðjur frá Bóli og Bakka
 

Hæhæ

Loksins heyrist frá okkur hér á Skerjó eftir gott sumarfrí. Við vonum að allir hafi haft það rosa gott í sumarfríinu og bjóðum við nýja foreldra sérstaklega velkomna í hópinn .

Nú er vetrarstarfið að hefjast að nýjan leik hjá okkur eftir skemmtilegt sumarstarf þar sem útivera hefur verið í aðalatriði.
Það hafa orðið smávægilegar breytingar á starfsmönnum í hjá okkur, en ekki miklar sem betur fer .
Hún Ásrún sem var á Bóli er að hætta og sest nú á skólabekk og óskum við henni velfarnaðar í skólanum (það er samt aldrei að vita nema hún verði eitthvað hjá okkur í vetur). Ragnhildur verður ekki hjá okkur á föstudögum eins og hún var síðastliðinn vetur þar sem hún ætlar að einbeita sér algerlega að náminu. Í staðin fyrir þessar frábæru konur koma aðrar frábærar í staðinn. Hún Helga leikskólakennari er byrjuð hjá okkur á Bóli og sér um deildarstjórn þar eftir hádegi. 

Annars er allt að komast á rétt skrið hjá okkur og erum við á Bakka byrjuð að vinna með skordýrin í þemastarfi.  Börnin hafa skoðað bækur um skordýr og fóru þau svo í vettvangsferð út á skógarróló í leit að skordýrum. Þau bjuggu til skordýragildru sem þau grófu niður í jörðina og settu ýmislegt góðgæti í til að lokka skordýrin ofan í. Þetta þema er rétt að byrja hjá okkur og verður gaman að sjá hvað gerist næst . Það er svo gaman að sjá hvað börnin eru áhugasöm og spennt fyrir þessu.

Skólahópurinn verður 3x í viku mánudögum, fimmtudögum og föstudögum. Sóldís og Inga munu vera með skólahópinn í vetur.

Á Bóli eru aðlaganir nýrra barna í fullum gangi og ganga þær mjög vel.
Eldri börnin á Bóli (börn fædd 2004) munu svo fylgja yngri börnunum á Bakka (börn fædd 2004) í þemastarfi og fleiru. Þau eru byrjuð að vinna með skordýrin í þemastarfi eins og yngri börnin á Bakka.

Á haustin höfum við alltaf byrjað á því að taka vináttuna fyrir og verður engin breyting  þar á þennan veturinn. Við munum flétta vináttunni inn í allt starfið hjá okkur til að allir kynnist vel og læri að umgangast hvert annað á jákvæðan og skemmtilegan hátt.

Við hlökkum til að fá að starfa með börnunum ykkar og ykkur foreldrunum í vetur og vonum að allir verði duglegir að kíkja á okkur hér á heimasíðunni og endilega að láta heyra í ykkur hér á síðunni, það er svo gaman að sjá og heyra að þið séuð að fylgjast með

Það eru líka komnar nýjar myndir í myndaalbúmið hjá okkur.

Bestu kveðjur frá okkur Skerjó.