Hæhæ

Við viljum byrja á minna á körfurnar sem eru komnar í fataklefann hjá Bakka. Þær eru til að geyma í aukafötin sem voru vanalega í töskunum þ.e. nærföt, sokka, sokkabuxur, peysu og buxur. Þær eru ekki til að geyma vettlinga, ullarsokka og húfur í.  
Við höfum sett lítinn miða á hverja körfu og þegar það vantar eitthvað í körfuna þá merkjum við x við það sem vantar (nærbuxur, nærbol, sokka, sokkabuxur, peysu eða buxur). Þá komið þið með það sem vantar næsta dag og setjið í körfuna og strokið út x-ið. Þá vitum við að það vantar ekki neitt.

Föstudaginn 25. janúar verður haldið þorrablót hér á Skerjagarði en þá fáum við að smakka á þorramat namm namm og eru börnin mjög spennt að fá að smakka hákarl hehe. Börnin hafa verðið að gera þorrahatta sem þau skreyta og hafa á þorrablótinu. Það væri einnig mjög gaman ef þau ættu lopapeysu sem þau gætu mætt í þennan dag . Við höfum einnig verið að læra lagið Þorraþræll (Það er fost á Fróni...).

Annars er allt komið á fullt skrið með þemað. Kisuhópur, Tígrisdýrahópur og hópurinn hennar Helgu á Bóli þ.e. börn fædd 2004 á Bakka og Bóli eru búin að vera að skoða vatnið og gera ýmsar tilraunir með það. Þau gerðu einnig hugmyndavef þar sem þau sögðu frá því sem þau vissu um vatnið. Við höfum líka verið að syngja lög um vatnið t.d. Droparnir við pollinn og Rigning hér og rigning þar og fleiri skemmtileg lög.
      

Eldri hóparnir á Bakka þ.e. Eðlurnar og Deplahópur eru að skoða og hlusta á ýmis hljóð í umhverfinu okkar. Við höfum verið að syngja ýmis lög þar sem einhverskonar hljóð koma fram í.  Þau gerðu einnig hugmyndavef þar sem þau sögðu frá þeim hljóðum sem þau mundu eftir og þegar þau voru komin á skrið ætluðum þau aldrei að geta hætt þau vissu um svo mörg og mismunandi hljóð, t.d. ýmis dýrahljóð, hljóð í hljóðfærum, hljóð sem þau heyrðu inni í  leikskólanum og úti og mörg mörg fleiri.  
    

Skólahópurinn fór í heimsókn í Melaskóla í síðustu viku þar sem þau fengu að fara á bókasafnið og í Selið.Þau hittu þar alla krakkana sem voru hér á Skerjagarði í fyrra og eru nú í 1. bekk og var það mjög skemmtlegt. Þetta var mjög skemmtileg heimsókn og síðan fengu þau að fara heima með skólabílnum.
      

Berglind tónlistarkennari hefur verið að kenna börnunum nýtt lag um hana Ingu Dóru og er textinn af því lagi kominn inn á heimasíðuna (tónlist).

VIð viljum svo minna á spila og púsldaginn á fimmtudaginn 24. janúar en þá mega börnin koma með spil eða púsl að heiman. Yngstu börnin á Bóli mega koma með bangsa í staðin fyrir spil eða púsl.

Og svo eru fullt af nýjum myndum í myndaalbúminu.

kv frá Bakka og Bóli

Hæhæ

Það er allt gott að frétta af okkur á Skerjó. Það er mikið búið að vera að gera hjá okkur í síðustu viku og í gær. Tveir elstu árgangarnir á Bakka fóru í Gerðuberg að sjá sýningu eftir Sigrúnu Eldjárn um Málfríði, Kugg og vini þeirra. Þetta var mjög skemmtileg sýning og höfðu krakkarnir mikið gaman af. Þau fengu að keyra bílinn hennar Málfríðar og fara upp í Geimfarið hennar og margt fleira skemmtilegt.  Í leiðinni var kíkt á bókasafnið í Gerðubergi og skoðaðar nokkrar bækur. 
    

Skólahópurinn fór svo á Árbæjarsafnið í gær að skoða gömlu húsin, leikföngin og allt gamla dótið sem notað var í gamla daga. Sjá myndir í myndaalbúminu. 
    
 
Börnin á Bóli höfðu bökunardag í síðustu viku þar sem þau bökuðu kanelsnúða handa öllum. Þetta var mjög skemmtilegt og fengu þau að taka þátt í öllu ferlinu. Þau fengu að brjóta eggin, setja hráefnið í skál, fletja út og rúlla upp og allt það sem tilheyrir í kanelsnúða bakstri. Og ekki skemmdi góði ilmurinn í húsinu og snúðarnir voru rosalega góðir namm namm. 
    

Nú erum við að byrja í þemastarfi á Bakka og á Bóli og hefur verið ákveðið að taka fyrir vatnið með börnunum sem eru fædd 2004 og hljóð og hljóðfæri með elstu tveimur árgöngunum (2003-2002). Þetta verður örugglega mjög skemmtilegt og fróðlegt að sjá hvernig þetta þema á eftir að þróðast hjá hverjum hóp fyrir sig. Þetta er mjög vítt svið og geta hóparnir farið í margar áttir með viðfangsefnið þegar líður á.  Við erum að byrja að leggja inn bækur og lög sem tengjast þessum viðfangsefnum.
Börn fædd 2005 á Bóli fara í litina núna í þemastarfi.

Bókadagurinn sem var á fimmtudaginn í síðustu viku heppnaðist mjög vel og var mikið lesið þann daginn. Börnin voru mjög spennt að láta lesa úr sinni bók og sátum við lengi í einu og lásum og allir sátu mjög áhugasamir að hlusta á hverja bókina á eftir annarri
Börnin mega koma með bækur að heiman hvenær sem er. Okkur finnst mjög gaman að fá nýjar bækur til að lesa, en það þarf bara að muna að merkja bækurnar vel þannig að þær komist til skila.

Það gleymdist að setja inn á matseðil og stundaskrá að 25. janúar verður þorrablót hér á leikskólanum þar sem við munum fá að smakka á þorramat namm namm.  Það væri mjög gaman ef börnin gætu komið í lopapeysum í leikskólann þann dag  (ef þau eiga) og verða svolítið þjóðleg í lopapeysum að borða íslenskan þorramat.

kv Bakki og Ból

Hæhæ

Gleðilegt nýtt ár og takk fyrir gamla árið.

Það eru komnar stundaskrár fyrir janúar inn á heimasíðuna inn í Ból og Bakki.

Í janúar ætlum við að hafa bókadag og mega þá börnin koma með bækur að heiman og við reynum að lesa sem flestar bækurnar.
Einnig ætlum við að hafa spila og púsldag og mega börnin þá koma með spil eða púsl að heiman. Fyrir börnin sem eru fædd 2005 og 2006 höfum við í staðin bangsadag þar sem þau eru kannski ekki mikið farin að spila.

kv Bakki og Ból