Hæhæ

Jæja loksins er hægt að setja inn nýjar myndir og blogga á síðuna okkar. Það var ekki hægt að setja neitt inn vegna uppfærslu á síðunni. Það eru líka komnar stundaskrár fyrir apríl inn fyrir bæði Bakka og Ból.

Enn allavega þá er allt gott að frétta af okkur á Skerjagarði. Það er búið að vera nóg að gera hjá okkur t.d. var strákadagur í endan mars og heppnaðist hann vel. Það komu margir strákar uppábúnir í leikskólann. Stelpurnar bökuðu fyrir þá og útbjuggu einnig armbönd handa þeim sem þeir voru mjög ánægðir með.

Í síðustu viku vorum við svo með náttfataball og máttu börnin einnig koma með bangsa með sér. Það var slegið upp balli og á Bakka var farið í ýmsa skemmtilega leiki eins og ásadans, stoppdans og lest. 

VIð viljum svo minna á að næstkomandi fimmtudag (10. apríl) verður dótadagur hjá okkur og mega börnin þá koma með eitthvað eitt dót að heiman.

Nú er verið að leggja lokahönd á þemað þ.e. vatnið hjá yngri börnunum á Bakka og börnunum á Bóli og hljóðið og hljóðfæri hjá eldri börnunum á Bakka. Eldri börnin eru að klára að gera sitt hljóðfæri og yngri börnin að klára stóra bátinn og umhverfið í kringum hann þ.e. sjóinn. 
Við tökum okkur síðan smá pásu en höldum auðvitað áfram að fara í hópastarf en munum nú reyna að vera meira úti í náttúrunni og fara í vettvangsferðir um nánasta umhverfi og fara í útileiki.

Foreldraviðtöl verða svo núna í lok apríl og byrjun maí.
-Foreldraviðtöl fyrir yngri börnin á Bakka (þ.e. börn fædd 2004) verða haldin miðvikudaginn 30. apríl.
-Foreldraviðtöl fyrir eldri börn á Bakka (þ.e. börn fædd 2003 og 2002) verða haldin miðvikudaginn 7.maí og fimmtudaginn 8. maí.
-Foreldraviðtöl á Bóli verða mánudaginn 28. apríl og þriðudaginn 29. apríl.
Skráningablað kemur fljótlega upp og verður uppi á töflu hjá Bakka og Bóli.            ATH! að skrá ykkur á réttan dag 

Það eru fullt af nýjum myndum í myndaalbúminu.

bestu kveðjur frá Skerjó