Hæhæ
 
Í síðustu viku vorum við með dótadag og fannst krökkunum mjög gaman að koma með dót að heiman og sýna öðrum og skiptast á.

Við bjuggum einnig til bolluvendi í síðustu viku sem börnin tóku með sér heim. Þau ætluðu svo öll að bolla mömmu og pabba í morgunn (vonandi hafið þið vaknað vel í morgunn kæru foreldrar).
 
Meistararnir fóru í heimsókn í Melaskóla á miðvikudaginn. Þeir voru mjög spenntir og stóðu sig mjög vel í heimsókninni. Síðan var farið heim með skólabílnum.

Hópastarf

Umferðin
Börnin bjuggu umferðarminnisspil í síðustu viku. Þeim finnst mjög gaman að spila þetta spil og sjá merkin sem þau bjuggu til :-)

Ég sjálfur
Við notuðum hópastarfstímann til að búa til bolluvendi

Litirnir
Börnin eru enn að vinna með bláa litinn. Blár dagur verður svo á Bóli 6. mars en þá mæta allir í einhverju bláu :-)

Á miðvikudaginn er Öskudagur og mega börnin þá koma í furðufötum í leikskólann. Við minnum á að ekki er æskilegt að koma með vopn sem fylgja ýmsum búningum í leikskólann. Mjög gott er líka að merkja aukahluti sem börnin koma með :-)

kv Bakki og Ból

Hæhæ

Meistararnir áttu að fara í heimsókn í Melaskóla í síðustu viku en því  miður urðum við að fresta því þar sem mikil veikindi voru hjá börnunum. Við fáum að fara fljótlega í heimsókn og munum við auglýsa það þá.

Í síðustu viku var Rauður dagur á Bóli þar sem börnin eru búin að vera að vinna með rauða litinn. Margir mættu í rauðum fötum og deildin var skreytt rauðum hlutum sem börnin höfðu búið til.
 
            
Þemastarfið er í fullu gangi.
Umferðin- Börnin eru búin að klára umferðamerkin sín. Við fórum einnig í strætóferð þar sem við skoðuðum umferðina og umferðamerkin og börnin leytuðu að sínu umferðamerki. Þeim finnst mjög gaman þegar þau sjá sitt merki
 
 
Ég sjálfur- Börnin hafa verið að skoða bækur um líkamann. Þau hafa teiknað sinn líkama í réttri stærð og teikna síðan inn á hann líkamshluta s.s augun og fleira. Þau hafa verið að skoða sérstaklega augun sín.
  
Litirnir- Börnin hafa verið að skoða rauða litinn og enduðu þau það með því að hafa rauðan dag. Næst ætla þau að skoða bláa litinn.
 

Meistararnir eru byrjaðir að æfa Þúsaldaljóðið þ.e. lagið um jörðina, vatnið, loftið og eldinn.  Við byrjum að vinna með jörðina. Við veltum fyrir okkur ýmsu í tengslum við jörðina, myndskreytum, förum í ýmsa leiki og fleira.

Næsta fimmtudag 12. febrúar verður nestisdagur og mega börnin þá koma með nesti að heiman.Þetta hefur alltaf verið mjög vinsælt hjá börnunum.

Það eru komnar nýjar myndir í myndaalbúmið.

ps. okkur finnst líka alveg rosalega gaman að heyra frá ykkur í gestabókinni

kv Bakki og Ból